Dar es Salaam
Usaidizi wa Wateja
Hija ni safari ya kiroho kuelekea mahali patakatifu au penye umuhimu wa pekee wa imani, kwa lengo la kumkaribia Mungu, kwaajili ya kusali, kutafakari, kufanya toba, na kujiimarisha kiimani. (Zaburi 84:5–6), (Zaburi 122:1–4)
Ili kushiriki hija ipasavyo, ni muhimu kutambua ni wapi ambapo ungependa kwenda kwaajili ya kukamilisha hija yako, ndani ya nchi au nje ya nchi. Tuna kukaribish kufuatilia ukrasa wetu unaohusu hija ili uweze kufahamu maeneo mbalimbali ya hija ndani na nje ya nchi ili kujiimarisha kiroho.
Kiuhalisia yako maeneo mbalimbali yaliyoandaliwa kwaajili ya hija karibu kila Jimbo. cha msingi ni ile dhamira ya dhati ambayo mtu mwenyewe anapaswa kuwa nayo kwaajili ya kujiweka vyema kiroho. Dar es Salaam kwa mfano; yako maeneo kama Pugu, San Damiano (Padre Pio Shrine) Msimbazi, Konsolata Mision, St. Joseph Cathedral, Segerea, Mburahati na Maeneo mengine mengi
Safari ya Hija kuelekea maeneo Matakatifu nje ya nchi inamwelekeza mtu katika kusudi fulani, Kwa hiyo, safari ya hija inaweza kuwa mlango wa mabadiliko ya kiroho, kuvunjwa kwa mipaka na kufunguliwa kwa hatua mpya katika maisha. Hija nje ya nchi si kwenda kufanya utalii bali ni sehemu na njia ya kujifunza, na kutafakari .
Kamati ya Kuratibu Hija ni chombo kinachosimamia na kuratibu shughuli za hija ndani ya Jimbo Kuu la Dar es Salaam. Kamati hii inahakikisha kuwa waumini wanapata huduma bora za kiroho, ushauri, na msaada katika safari zao za hija ndani na nje ya nchi.
Uinjilishaji kupitia Utume wa Walei ni msingi wa kazi ya Kanisa. Kupitia mipango ya kutakatifuza malimwengu, vyombo vya habari, na mafunzo mbalimbali, waumini wanashiriki kikamilifu katika kueneza Injili ndani ya Dekania za Jimbo letu.