KUHUSU HALMASHAURI YA WALEI
Vyama Vya Kitume
UTUME WA WANAUME KATOLIKI (UWAKA)
Muhtasari wa Chama:

Utume huu ulianzishwa mwaka 1922 huko Ulaya (Austria). Hata hivyo utume huu haukuwa na nguvu sana hadi mwaka 1947 wakati Aksio Katoliki ilipofanya Jubilee ya miaka 25 na kufanya mkutano maalum. Wajumbe walioshiriki katika mkutano huo walishauriana kuunda  kamati maalum ya kuandaa katiba rasmi. Mwaka 1948, kamati hiyo ilianza kushughulikia katiba.Mnamo tarehe 15 hadi 17 Agosti 1950 Baraza kuu la kwanza la Kimataifa la Wanaume Katoliki (International Council of Catholic Men) lilikutana huko VATICAN. Wakati huo Baba Mtakatifu Papa Pio wa XII aliidhinisha utume huu na kuuita "UNUMONES" kama rejeo la Injili ya Yohana 17:22 ............" Ili wawe na umoja kama sisi tulivyo na umoja"Papa Pio XII aliteua utume huu uwe na Makao Makuu yake Vatican na ndiyo utume pekee wenye Makao Makuu yake VATICAN. Baadaye utume huu ulianza kuenezwa sehemu nyingi Ulimwenguni na hasa Ulaya. Hivyo ulionekana umuhimu wa kuuneza utume huu katika sehemu nyingine na Afrika ikiwa mojawapo.

TANZANIA: Mwaka 1985 utume huu ulianzishwa kwa mara ya kwanza katika jimbo la Bukoba. Mwaka 1986 mwezi Septemba utume huu ulianzishwa katika jimbo kuu la Dar es Salaam.Mpaka sasa Majimbo yalioanzisha Utume huu ni Bukoba, Geita, Dar es Salaam, Mwanza, Kahama, Shinyanga, Tabora, Dodoma, Morogoro, Arusha, Tanga, Songea, Lindi, Iringa, Mbeya na Kilimanjaro

Malengo ya UWAKA:
  • Kuwaunganisha wanaume Katoliki wote wenye nia, mori na ari ya kulitumikia Kanisa kwa kupitia vipawa vyao
  • Kuhifadhi, Kuimarisha na kulinda imani ya Kikatoliki na kuendeleza elimu na mafunzo ya dini
  • Kushirikiana na vyama vingine vya kitume na mashirika mengine ya kikatoliki yaliyo ndani na nje ya Tanzania.
  • Kukuza mshikamano kati ya wanachama kwa kushirikiana katika shughuli za kiroho na kijamii
  • Kujishirikisha na vyama vingine vya kiroho
Shughuli na Matukio
Shughuli:
  • Misa za Umoja: Wanachama hukutana mara moja kwa mwezi kushiriki misa maalum kwa ajili ya maombi ya wanaume.
  • Mafunzo ya Maadili na Uongozi: Semina zinazoelimisha wanachama kuhusu uongozi wa kiroho, maadili, na jukumu la wanaume katika jamii.
  • Huduma kwa Jamii: Kushiriki katika shughuli za kijamii kama kusaidia wasiojiweza, kutoa misaada, na kufanya usafi wa mazingira.
  • Mikakati ya Malezi ya Familia: Programu za kutoa mafunzo ya uhusiano bora wa kifamilia na kuwajengea wanaume misingi bora ya maisha ya ndoa.
Mikutano:
  • Mkutano wa Mwezi: Hufanyika kila mwezi kujadili masuala ya maendeleo ya umoja na kupanga shughuli za baadaye.
  • Mkutano wa Kanda: Wanachama kutoka kanda mbalimbali hukutana kila robo mwaka kwa mafunzo na kubadilishana uzoefu.
  • Mkutano Mkuu wa Mwaka: Hufanyika mara moja kwa mwaka kujadili mafanikio, changamoto, na kuweka mikakati ya mwaka ujao.
Kuwa Mwanachama
Kuwa Mwanachama

Kuwa mshirika wa Shirika la Kimisionari ni njia ya kuridhisha ya kutumikia Kanisa na jamii yako. Iwe unahisi wito wa kuongoza, kutumikia, au kuimarisha safari yako ya kiroho, kuna nafasi kwa ajili yako katika mojawapo ya mashirika yetu. Wasiliana nasi leo ili kujua zaidi kuhusu jinsi unavyoweza kujiunga.

Uanachama:
  • Jinsi ya Kujiunga:

    Kwa maswali kuhusu uanachama, tafadhali wasiliana na vyama@darwalei.or.tz

Tafadhali andika jina la taasisi yako.
Tafadhali andika jina lako la kwanza.
Tafadhali andika jina lako la mwisho.
Tafadhali andika namba yako ya simu.
Tafadhali andika barua pepe sahihi.
Tafadhali andika ujumbe wako / Maoni (ikiwa yapo).