Dar es Salaam
Usaidizi wa Wateja
Utume wa Wanaume Katoliki ni utume wa UTENDAJI KATOLIKI (AKSIO KATOLIKI), kwa hiyo ni utume unaotambua kazi na shabaha za utendaji katoliki kulingana na Mtaguso Mkuu wa Vaticano II. Utume huu hauhusiani na vyama vya siasa, wala mashirika yenye kuhusika na mahitaji/misaada. lengo kuu la Utume ni kutangaza Neno la Mungu.
Umoja huu ulianzishwa kuwawezesha wanaume Wakatoliki kuwa mstari wa mbele katika kushiriki huduma za kiroho na kijamii ndani ya Kanisa na jamii kwa ujumla. Kupitia UWAKA, wanaume wanahamasishwa kuwa viongozi wa kiroho katika familia zao, washiriki waaminifu wa parokia zao, na watumishi wa maendeleo endelevu katika jamii. Umoja huu pia hujikita katika malezi ya kiimani kwa wanaume na kuwasaidia kushinda changamoto mbalimbali za maisha kupitia mshikamano wa kiimani.
Bonyeza Kitufe hapo chini kufahamu zaidi
- Misa za Umoja: Wanachama hukutana mara moja kwa mwezi kushiriki misa maalum kwa ajili ya maombi ya wanaume.
- Mafunzo ya Maadili na Uongozi: Semina zinazoelimisha wanachama kuhusu uongozi wa kiroho, maadili, na jukumu la wanaume katika jamii.
- Huduma kwa Jamii: Kushiriki katika shughuli za kijamii kama kusaidia wasiojiweza, kutoa misaada, na kufanya usafi wa mazingira.
- Mikakati ya Malezi ya Familia: Programu za kutoa mafunzo ya uhusiano bora wa kifamilia na kuwajengea wanaume misingi bora ya maisha ya ndoa.
- Mkutano wa Mwezi: Hufanyika kila mwezi kujadili masuala ya maendeleo ya umoja na kupanga shughuli za baadaye.
- Mkutano wa Kanda: Wanachama kutoka kanda mbalimbali hukutana kila robo mwaka kwa mafunzo na kubadilishana uzoefu.
- Mkutano Mkuu wa Mwaka: Hufanyika mara moja kwa mwaka kujadili mafanikio, changamoto, na kuweka mikakati ya mwaka ujao.
Kuwa mshirika wa Shirika la Kimisionari ni njia ya kuridhisha ya kutumikia Kanisa na jamii yako. Iwe unahisi wito wa kuongoza, kutumikia, au kuimarisha safari yako ya kiroho, kuna nafasi kwa ajili yako katika mojawapo ya mashirika yetu. Wasiliana nasi leo ili kujua zaidi kuhusu jinsi unavyoweza kujiunga.
- Jinsi ya Kujiunga:
Mwanaume yeyote aliyefikisha umri wa miaka (18) na kuendelea huyo anayosifa ya kuwa UWAKA Sifa nyingine 1. Awe anaishi kulingana na imani ya kikatoliki 2. Awe na msimamo imara kwa Kanisa Katoliki 3. Aishi Maisha ya kikristu katika ndoa,jamii, kazini na kwa kutenda vitendo vya kitume akizingatia kusali kwa kujitoa muhanga (pray with devotion) 4. Anayejitoa kuwahudumia wengine na 5. Ambaye yuko tayari kutoa mawazo mema mahali popote atakapohitajika
Kwa maswali kuhusu uanachama, tafadhali wasiliana na info@darwalei.or.tz
- Ada ya Uanachama:
Ada ya uanachama : TZS 10,000.